NY ITIAVAKO ANAO RE RY MAMA

Ny volonao fotsy mangatsohatso

No itiavako anao re ry mama,

Ny feonao malefaka raha miantso,

No itiavako anao re ry mama,

Ny bikanao folaky ny andro lasa

No itiavako anao re ry mama,

Ny tananao mafy noho ny asa

No itiavako anao re ry mama.

Toa hitako ianao fony tanora

Tamin’izao taonako izao,

Namindra milako tsimoramora

Nanaitra an’i papa ianao;

Nilefa nandao tsy nety tana,

Tsy hita intsony izao,

Ny taratra’irony hatanorana

Teny amin’ny endrikao.

Kanefa am’izao toetranao izao

No vao mainka tiako dia tiako ianao!

Ny volonao fotsy mangatsohatso

No itiavako anao re ry mama,

Ny feonao malefaka raha miantso,

No itiavako anao re ry mama,

Ny bikanao folaky ny andro lasa

No itiavako anao re ry mama,

Ny tananao mafy noho ny asa

No itiavako anao re ry mama.

Isaorako indrindra Andriamanitra

Nanome ahy anao,

Ary hivavahako mba haharitra

Hiaina eto an-tany ianao.

Na tsara na ratsy izahay zanaka

Dia samy tianao avokoa,

Ka dia tsy navelanao mba hihahaka

Raha tsy nahazo ny soa.

Iriko indray re ny hanavao,

Hilaza fa tiako dia tiako ianao.

Ny volonao fotsy mangatsohatso

No itiavako anao re ry mama,

Ny feonao malefaka raha miantso,

No itiavako anao re ry mama,

Ny bikanao folaky ny andro lasa

No itiavako anao re ry mama,

Ny tananao mafy noho ny asa

No itiavako anao re ry mama.

Henri RATSIMBAZAFY

1969