Inogne ty antoe ambara’areo ahy? ehe! asa! asa
Ty raha hoe toy tsy roro fa fate. asa ! asa!
Tsy mira ty fitsara tikagn’olombelogne
Naho ty fitsaran’ Andrianagnahare;
Zagnahare minday hamarigna,
Fa itika magnete fisikina
Inogne ty antoe e? ehe! e! asa! asa!
Ambarako anareo fa ty tane atimo agne,
Ndra tsy vaho omale fa fahangola-tene,
Maike ts’isy rano tsy mamokatse ty tane.
Inogne ty antoe e? ehe! e!
Tane vakivaky maike talignere !
Mate ty mosare tsy mamokatse ty tane
Inogne ty antoe e? ehe! e!
Avy ty avy, mandeha ty mandeha,
Ze mikambaro, hamelomagne ty agne
Fa ty mahagaga tsy misy mahavita,
Inogne ty antoe e? ehe! e! asa! asa!
Ty ambe’ay atao varoboba;
Avily balahazo, vare naho tsako,
Ty vilie fa lany be tsy ampe heregn’andro
Inogne ty antoe e? ehe! e! asa ! asa !
« Ambaro anareo fa ty tane atimo agne,
ndra tsy naho omale fa faha-gola-tene,
maike tsy misy rano tsy mamokatse ty tane,
inogne ty atoe ? asa !asa ! »
« Ambarako anareo fa zama
Avily balahazo, vare naho tsako
Ty vilie fa lany be tsy ampe heregn’andro
Le magnotane raho : inogne ty antoe ? asa ! asa ! »
" Mandeha ty mandeha manao propagande,
avy koa ty avy misaotse raha maro hamelomagne ty agne,
fa ty mahagaga tsy misy mahavita,
le magnotane raho haligno vao koahe ?
Inogne ty atoe ? Asa !asa !."
