Atolotro ho anao

Atolotro ho anao ity hirako ity

R’ilay tambanivohi-dahy

Hany nanome ahy fotsim-bary

Fony aho mati-mosary

Atolotro ho anao ity hirako ity

R’ilay tambanivohi-dahy

Hany nanome, hany mba nitsetra

Fony aho nangetaheta

Rano kely ihany

Nefa tao am-po

Toy ny afon-dasy ngeza be

Raha ho avy ny andro iray ka

Hahalasananao r’ilay tambanivohi-dahy

I Jehovah Tompo anie mba hitahy

Ho aminao mandrakizay

Ny hafa anie ka dia nandà

F’izaho ilay boto jiolahy

Ny hafa anie ka dia nihomehy

F’izaho ilay boto jiolahy

Atolotro ho anao ity hirako ity

R’ilay zavavy namako any

Hany mba nandray ny tanako

Fony aho orim-pitia

Atolotro ho anao ity hirako ity

R’ilay zavavy namako any

Hany mba nandray, nandray nanambitamby

Fony aho nilaozam-bady

Teny kely ihany

Nefa tao am-po

Toa ny afon-dasy ngeza be

Raha ho avy ny andro iray

Ka hahalasananao r’ilay zavavy namako any

I Jehovah Tompo anie mba hitahy

Ho aminao mandrakizay

Ny hafa anie ka dia nandà

F’izaho ilay boto jiolahy

Ny hafa anie ka dia nihomehy

F’izaho ilay boto jiolahy

Fa hono ho’aho zareo tsara fivelomana

Mihaody any aho mba manontany

Moa va ianareo tsy mba mino akory

Fa misy masoandron’ory (bis)

’Zaho anie ka tsy hitana am-po

Fa hivavaka ho anareo

Raha ho avy ny andro iray

Ka hahalasananao Ratsarafivelomana

I Jehovah Tompo anie mba hitahy

Ho aminao mandrakizay